حکومت نے سانحہ پمز میں جاں بحق بچوں کے لواحقین کیلئے فی کس 50لاکھ روپے مالی معاوضے کا اعلان کردیا۔
وزارت اطلاعات کی جانب سے جاری بیان میں کہا گیا ہے کہ وفاقی حکومت متاثرہ خاندانوں کے غم اور دکھ میں برابر کی شریک ہے،حکومت متاثرہ خاندانوں کو ہر ممکن تعاون اور معاونت فراہم کرے گی۔
وزارت اطلاعات کاکہنا ہے کہ معاوضہ انسانی جان کا نعم البدل نہیں، غمزدہ خاندانوں کی مشکلات کم کرنے کی کوشش ہے۔